加義兩彈破聯樂

【本報消息】本地甲組足球聯賽昨晚九時氹仔運動場上演獨腳戲。加義憑上下半場各入一粒，以二比○淨勝聯樂。

力爭保季席的加義，迎戰中游的聯樂，加義開賽後形勢佔優，早段龔政豪遠射僅僅高出橫楣。戰至四十二分鐘，龔政豪遠射破網，加義半場領先一比○。換邊後未夠一分鐘，陳大維半單刀破網，加義鎖定勝局贏二比○。

士砵亭恆勢生死戰

甲足今晚續戰，七時有護級生死戰，士砵亭惡鬥恆勢。兩軍近況同樣頹勢，士砵亭周中戰畢足總盃，恆勢變相有體力優勢。不過綠白軍安祖在足總盃有士哥有態，配合法迪、沙巴斯迪恩掛帥，人腳牌面佔優。恆勢若今仗輸波，即幾肯定降班，為此必激發戰意。但士砵亭同樣需要三分護級，首循環大勝恆勢先贏一仗，今戰可被稍稍睇好。

青鋒則在九時鬥警察。青鋒有射高美斯狀態大勇，配合甘維拿、尹天佑等進攻，近況不俗。警察上仗爭護級關鍵一戰擊敗蒙地卡羅，搶得護級的主動權。不過青鋒整體攻守均有優勢，加上仍有機會爭奪季席，戰意同樣十足，警察想繼續搶分不容易。