艾卡爾再贏一仗

今晚五場沙地賽，賽前來料推介頭場“艷姿媚”及二場“艾卡爾”一對高君濤座騎，啱心水不妨跟進。

“艷姿媚”初出兩歲新馬，試閘出腳夠快。今晚做足準備，用高君濤決心搏殺。起步順利可望一鳴驚人，值得捧場。“江河大利”早前在同程爆冷贏馬，上仗拼入三甲走勢理想。今戰負磅輕，中野省吾策騎夠合拍，可博單Q。

“艾卡爾”寶刀未老。今晚出爭此程腳法合適，高君濤唔放手有理由，可望再贏一仗不妨重視。“創投精英”近三仗沙地賽表現穩定。今戰續由田中正一策騎，增程腳法可應付，排檔理想單Q一於揀佢。