陳柏宇學唱歌克服壓力

日前陳柏宇(Jason)作客TVB娛樂新聞台節目《StarTalk》，大談推出新碟感受。Jason直言新碟題材及概念受疫情影響：“今次四首歌嘅MV係一個故事，以前MV有MV嘅內容、專輯有專輯嘅相、歌曲有歌嘅Vibes，今次同團隊度得深入咗，仔細咗，參與度高咗，令自己嘅投入度都唔同咗。疫情令自己有多咗時間惗嘢，惗吓自己嘅事業，音樂想表達乜，呢行可以達到乜嘢目的。”

談到近年學唱歌，Jason說：“學唱歌係漫長嘅過程，係將自己聲音嘅能力攞到最盡！學唱歌唔係用新方法去唱，而係希望刪減一啲壞習慣。（受小肥影響？）其實未聽佢之前，自己已經上網學，但聽完佢之後，就跟咗佢個老師。我早知自己唔係好唱得，我唔係天生嘅表演者，演出對我嚟講係困難嘅事，因為面對群眾做啲我唔係好有信心嘅嘢，我會有壓力，但依家我對唱歌有全新睇法。”