傳為無線對撼MIRROR

炎明熹：只係向前輩學習

《聲夢傳奇》冠軍炎明熹(Gigi)，昨日聯同姚焯菲(Chantel)及鍾柔美(Yumi)到中環出席品牌活動，首次參加商演的她們齊聲說不清楚活動酬勞，但Yumi說很開心有這個機會向大家展示產品。有傳TVB有意安排她們組成女團發展，Gigi說：“公司冇講過，組女團一齊玩會開心啲，但單獨發展又可以學到其他嘢，各有好處。”

盛傳公司用她們對撼MIRROR，Gigi說：“MIRROR係前輩，都想向佢哋學習，唔存在對撼心態。”Yumi則說：“其實我哋都未清楚，順其自然啦。”Chantel說：“唔清楚，依家忙緊追返啲功課，同埋八月嘅唱會。”

工作排得密麻麻，可擔心影響學業？Gigi坦言成績一向麻麻，反而參賽後成績有進步，因不想因參加比賽而退步，覺得要勤力趕上其他同學，暑假後她將升讀中五。怕唔怕返到學校會變成鋒頭躉？她說：“我覺得唔會，返到學校要有學生模樣，唔會覺得參加咗比賽好犀利，同我好好嗰幾個同學都有約我食飯慶祝，隔籬班都有同學傳短訊恭喜我，（計劃暑假返汕尾探望父母？）真係要睇公司安排。”

Chantel說成績都維持到；Yumi坦言參加比賽初期的確有影響，但之後慢慢習慣，學業成績還可以。暑假過後Yumi及Chantel將升讀中四，Yumi說想修讀理科或商科，Chantel亦同樣想讀商科，因在理科方面不太叻。在《聲夢》中未能捧獎的Chantel，有傳她獲父親送贈二千萬豪宅安慰，她說：“唔係送畀我，係爸爸用來投資，我名下未有物業。”TVB副總經理曾志偉說下個月會開拍劇集給《聲夢》十五位學員參演，Chantel笑言可以唱歌及拍劇同時進行：“我哋仲細個，可以透過拍劇累積感情，對唱歌都有幫助。”