乾卦原配再戰原程

昨周二主課期晨操如常，收操後有兩組試閘。出試馬少但不乏瞄頭，尤其賀廄多駒試來，令欄邊客關注。旗下“博名”由高君濤主轡應聲彈出，全程輕鬆帶返，試來步大力雄，予人觀感不俗。此駒外地四戰獲冠亞季各一，贏馬及上名路程千二至千四米。來澳後操練循序漸進，今課試閘做好功夫，不日出賽可即食。同廄“年年駿”劉永康出試以首名衝線，試來走勢暢順，狀態起得不差。賀廄馬試閘打磨甚力，為季末出賽作好準備功夫。

踏入七月尾，馬季開至荼薇，跑罷今期兩日及月底一日賽事，下月尚餘六次便煞科。目前練者龍虎榜梁國浩九W包尾，此位資深練者近十年成績未試過咁差，原因今季兵馬減少。全倉只得十三駒，限米煮限飯，致包尾大幡。季末浩廄部署出擊，戰駒上陣可拼則拼，務求爭取更多頭馬。“乾卦”一向靠草地搵食，沙地連季無績可稽。前仗一五一○米突如其來，爆個不亦樂乎，馬匹取得季內三捷。此駒贏馬過程易如反掌，可見跑沙地不比草地差。“乾卦”練者撚得好，現成廄內全才馬。周五沙地夜賽又來，浩廄精兵出戰，“乾卦”報跑二班一五一○米，新勝匆出擺明再搏。據悉續交中野省吾操刀，幕後取其騎熟易發揮。梁國浩上季同中野省吾合作頗有默契，騎練攜手取得不俗戰功。“乾卦”今仗原配再戰原程，有力連捷。