足總盃

澳鄒襲警察

【本報消息】足總盃八強大戰，今晚蓮峰球場上演兩場大戰。加冕聯賽冠軍的澳科鄒北記迎戰警察，澳鄒實力佔優，乘聯賽強勢有望順利過關晉級。澳門版“葡超打吡”，賓菲加戰士砵亭誓搶四強席位。

足總盃最後兩場八強，剛達成衛冕聯賽任務的澳科鄒北記，八強鬥警察，向今季第二冠進發。澳鄒人腳牌面佔優，前線迪亞高、艾美達、艾拉奧祖進攻，加上費基里度、林嘉誠等領軍，澳鄒火力有十足保證。加上防線同樣夠硬淨滴水不漏，今季開季至今，十四戰聯賽僅失過三球，域陀、朗奴、甘致豪等掛帥有信心。

警察上戰聯賽擊敗蒙卡，搶得護級重要三分，不過仍未真正確保成功護級，聯賽仍有必須搶分的壓力，分心聯賽或多或少影響足總盃戰意。澳鄒明言以球季三冠王為目標，戰意強勁，強勢出擊力爭順利贏波晉級。

賓士再演葡超打吡

賓菲加、士砵亭再度合演澳門版“葡超打吡”。賓菲加失落聯賽錦標，雖然士氣難免受挫，足總盃成另一爭標希望。陳敏、徐崚峰、張海山等領軍，比起越踢越沉，且有聯賽護級壓力的士砵亭，賓菲加人腳實力、狀態及戰意均高一班，有望睇好再晉一級。