澳門好拼盡可勝

今午黃昏馬三草三沙混合賽，各場出馬有限。馬少場合暗湧重重，料賽果爆冷居多，投注小心推敲。本季騎師冠軍爭奪戰，目前高君濤同張志立成對峙局面。後者頭馬仍落後十場，賽至埋尾可否反先未知，今仗四駒在手可拼則拼。此外，法國安萬堯今仗座騎具分量，爭勝本錢夠厚，值得重視。

安萬堯今季暫取十三W排名第十，成績比上季下跌，原因是去年底受傷缺陣數月影響成績。此子唞至五月才復出，季尾要發力追數，月內兩勝“豐收寶”表現進取。今仗安萬堯五駒在手，睇環境會搏殺，馬迷可吼緊。

第二場四班千五米。“澳門好”季初兩勝後再無頭馬進帳，連敗多場求減分。今仗回師千五米贏馬途程已有搏殺手影。此駒場地性能廣泛，連季沙草地皆有不俗表現。今次吼準途程出擊，交安萬堯換人再搏，又不同估計，欣逢路合，拼盡可勝。

第三場三四班千二米。“惠澤社羣”來澳後同程已取五冠三亞，論戰績不俗。此駒上季用得多，季內練者部署減分再搏。季尾馬匹表現復甦，近期走勢轉好。上仗跑蝕位，敗後重新打磨，論馬狀態續進。今次續跑首本路程，遇同組對手不多，憑安萬堯駕輕就熟，冀替此駒打開勝門。

第四場二班一三五○米。“浩勝駿爵”季內同程已取三捷，愈跑愈好。近兩仗求減分無心攻堅，敗不為據，敗後回配安萬堯操刀擺明有計。“浩勝駿爵”質新未盡，能跟可鬥，今次班宜兼檔利，遇上馬少場合隨時可勝。