岑麗香分享穿衣之道

由岑麗香、馬國明、陳自瑤主演《寶寶大過天》今晚大結局，劇集播出以來反應不錯，當中飾演全職媽媽的香香，無論休閒Look、OL Look、仙氣Look均成為網民熱話，上星期劇情講述，香香為了迎合老闆要求，三折買了個名牌手袋，結果惹來老公疑心，雙方因而爭執。這劇情引發不少觀眾留言。

香香笑言十分開心：“首先好多謝網民鍾意我個角色啲衫同配搭。”她亦大方分享穿衣之道：“為襯衫我平時會揀高腰褲同高腰裙，因為會顯得條腰瘦啲、對腳長啲。鞋方面，我平時都鍾意着白色波鞋仔，因為舒服、易着又易襯，襯裙或牛仔褲都得。”她仲教大家如何着得簡單斯文又得體：“百褶裙同過膝頭哥嘅裙，我覺得易Handle同斯文啲；上身我會襯返Sweater又或者舒服嘅恤衫，感覺專業啲。返工的話，間中襯件西裝褸再加條腰帶，整體望落已經唔錯。”