黎明林海峰鬥金句

黎明與林海峰炮製了“雙王金句”，無意中誕生的。黎明邀嘉賓，林海峰接手電嚇一跳，兩人並不很熟，“Leon，噏乜呀？”Up to you啦！“噏乜呀？”Up to you。林海峰即選為黎明新金句，日常生活中好使好用。

例如情侶，另一半問：噏咩？Up to you啦。林海峰隨即將新金句發揚光大。如果吵架，爆粗口的時候，噏咩呀？Up to you啦。“大方得體，又有點浪漫不羈，略帶挑釁性。”

林海峰又爆黎明另一新金句，“彩排彩排，不及天意安排”，全場掌聲。林海峰有所感觸，以前開騷，度了兩個月的金句，兩個鐘頭就笑完；黎明的即景金句，九秒九就交卷。“彩排彩排，都不及天意安排，眞係金中之金。所以話，在金句王面前，我冇辦法發揮到好大，冇辦法啦，天意安排我來。其實係黎明安排我來。”

金句王重金句王，黎明請林海峰出場時，禮如上賓。他說，“香港做Talk Show有幾個大師，有一個大師洗咗手，仲有一個，今日來咗。嘉賓！通常係請嘅，自己升上來的叫‘等嘉賓’，我示範一次甚麼叫‘請嘉賓’。”語畢，黎明降到台底，親自陪同林海峰上台，全場尖叫。

備受禮遇的林海峰，話題放膽談黎明家事，“以前冇乜機會同你傾屋企嘢，現在，可唔可以傾吓？你肯up to me呀嗎。”“問候你屋企都好嗎？”好呀。“屋企姐姐好嗎？”OK啦。“全屋企都係女人，陰氣好重。”黎明點頭。

“有日我惗，天王全部生女（暫時見到係咁），有趣嘅係，天王個女會否成為天王的粉絲？”林海峰提出了香港樂壇天大謎團：天王之女不是天王粉絲，反而天王是女兒的粉絲。舉例——劉德華千金大概十歲，估佢唔會唱《一起走過的日子》，舞台王者的小朋友幾歲？如果天王日日在面前練舞，都唔知做乜。問黎明的小朋友幾歲？（三歲），你返到屋企，女兒會否大叫Leon、Leon（唔會）。會否搵你簽名？（唔會）——肯定會，簽名家課冊。許多粉絲在場館等你Leon；有一日，你會見到Leon在幼稚園門口，等緊佢個女……。

高 梁