青鋒足總盃撼聯樂

【本報消息】甲組足總盃賽事，今晚七時蓮峰球場上演八強大戰。上屆冠軍青鋒衛冕第一擊，今晚九時尾場再撼聯樂，青鋒人腳佔優，乘聯賽贏波強勢，或有力睇好爭勝。頭場加義鬥葡人之家，同樣有望順利過關。

足總盃去年停辦，今季復辦後，青鋒以衛冕身份出戰，首戰八強即要惡鬥聯樂。兩軍在上周聯賽先碰頭，青鋒面對下半場踢少一人的聯樂，最終大勝而回。論今季戰績，兩軍則勝負各一，其中聯樂今季表現不差，前線黎洛賢、黃飛逸等掛帥有不俗表現，後防有李子健把關，亦交足功課。不過青鋒有射手高美斯大勇，配合甘維拿、尹天佑、曾嘉俊進攻，防守有馮智恆守護大門，整體牌面更有優勢。青鋒以衛冕身份出戰，八強絕非目標，戰意十足或有力睇高半線。

加義迎擊葡家

另一戰加義迎戰葡人之家。加義上周聯賽被恆勢逼和，連勝斷纜，狀態有所回落。不過葡人之家近況麻麻，上周聯賽更慘吞澳科鄒北記十四隻光蛋。加義有梁德威、黃華麟、李漢浩等領軍，人腳佔優，有望睇好贏波晉級。