林海峰爆黎明全新金句

黎明一連九場的“Talk & Sing 2021紅館演唱會”前晚揭開序幕，寰亞娛樂老闆林建岳、“大劉”劉鑾雄與太太陳凱韻（甘比）、陳慧嫻、蔡一智、胡定欣、胡蓓蔚、DJ Donald等齊齊捧場。林海峰擔任首場表演嘉賓，大爆黎明全新金句“噏To U”，逗得全場觀眾爆笑。

黎明 (Leon) 前晚“Talk & Sing 2021”紅館騷首場嘉賓，請到林海峰 (Jan) 擔任，他更親自從升降台底部陪同Jan升上台，可謂畀足面Jan。

林海峰上台後妙語連珠：“實不相瞞，Leon邀請我任嘉賓時，我第一時間就想推掉，因為喺‘金句王’面前，叫我嚟真係獻醜啦。但冇辦法，Leon親自打電話來邀請。”他又坦言與Leon私下不熟，於是問Leon想他在台上噏乜嘢？Leon表示：“Jan，噏咩？Up To You啦！” 林海峰笑言聽到後即九秒九彈嚟！“噏咩呀？Up To You！呢一句，我諗吓都真係幾好用喎！”

然後林海峰又爆出Leon另一金句：“彩排彩排，都不及天意安排。”全場即報以掌聲。之後，林海峰說：“有日我諗，點解天王全部都生女？有趣嘅係：天王生女，佢個女係唔會成為天王嘅粉絲，雖然我唔係天王，我都係過來人，可以同你分享吓。”逗得台下觀眾大笑。