超群出眾人強馬壯

今日黃昏賽跑五場，論戲碼稍弱。季尾練者冠軍爭奪戰趨白熱化，錢健明甩開張兆煊九W。馬季尚餘十一次，後者還有得追，但要贏多至少十W亦唔易，故錢健明摘冠仍行情看漲。錢廄今賽出馬有限，似志不在此。反而賀廄七駒列陣，值得吼緊。

賀蘭杜夫暫取二十一W排名第六。練者爭冠無望，但季尾仍積極搶攻，尤其草地賽每有佳作，於四、五、六月更贏至“砰砰聲”。今次七月第三仗，賀廄七駒應戰，擺強陣搏殺，馬迷可吼緊賀廄動態。

第一場：五六班千五米。“幸運星”近期連敗多場已減分，今次落班面對一群弱旅，形勢有利。今仗起用手風大順的中野省吾主轡，可謂來者不善。此駒質新未見底，埋門打磨甚力，狀態有增無減。今番跑千五米抽一檔好位，爭勝機會勝人一籌，坐位望贏無甩拖。

第三場：三班千二米。“超群出眾”拼後小休已回氣，今次出爭首本途程正合脾胃。此駒前速可取，近態續進。今次配強出擊，由高君濤操刀牌面猶勝對手。此子近期騎賀廄馬交得準繩，憑人強馬壯，可替此駒勝回一仗。

第四場：三四班千五米。“興測”今季同程贏到你唔信，馬匹愈戰愈勇。此駒狀態長期保持得好，拼後匆匆又來，今次續跑首本路程尤合發揮。此駒能跟可鬥，有前有後，今次班路俱宜，憑人馬夾檔，可再下一城。