謝高晉拍MV特意紋身

歌手謝高晉昨午為新歌《一對受害人》拍MV，並邀得新人何天嵐擔任女主角，兩人戲中不乏“床戰”場面。

拍戲出身的謝高晉為追逐音樂夢，已暫停拍戲好一段時間，他透露：“好開心接下來在九月會開新戲。（咩類型戲？）時裝動作片，不過詳細情形唔可以透露，遲啲等公佈啦。”謝高晉講笑謂當了歌手兩年，終於獲公司首肯讓他唱情歌。

為了令粉絲留下深刻印象，謝高晉特意花了四十五分鐘在手背“紋上”愛與恨的英文字：“呢首歌幾慘情，有愛就有恨。有人好幸福搵到同佢走一世的人，但唔係個個都可以。希望呢首歌能夠令大家釋懷。（有興趣真紋身嗎？）細個時冇，大個咗睇球星打波，見到佢哋有紋身，覺得好有型，可能我也會考慮。（要先問準公司？）唔使，公司好開通。（會紋關於女友的圖案？）唔會，係會紋圖騰或者字句。”