江欣燕自揭主動提離婚

江欣燕接受黎芷珊主持的訪談節目專訪，剖白“單身盛女”現時的內心世界及愛情觀。喜歡笑看人生的欣欣，在節目中帶芷珊一起買完花再買菜，更親自下廚炮製韓式炒粉絲及落重料煲靚湯，招呼芷珊與江媽媽同檯吃飯，江媽媽更開腔呼籲愛女“飲少啲酒”，場面既歡樂又溫馨。

江欣燕與前夫吳積遜拍拖十年、結婚十二年才選擇分開，欣欣坦言是自己主動提出離婚：“可能因為人大個咗，開始認識自己，才發覺我哋內心好大距離。但冇討厭過同佢一齊的時間，好多謝佢陪咗我廿幾年，令我眼界開闊好多，係我決定唔再一齊。同佢一齊好似好開心，但唔係我本質。”她直認對前夫有少許遺憾：“因為係我提出話分開，佢當時冇反應，因為佢睇緊波。我就話我行動了，但佢就繼續睇波，我等佢睇完再解釋，但其實好多嘢唔使多講。”

結束十二年婚姻後，欣欣仍享受單身生活：“我覺得婚姻是一種綑綁，大家應先想清楚自己需要怎樣的另一半。因為對方係你的一面鏡，我估我將來需要的會係Partner，唔會係老公。我結過婚，所以唔稀罕（再婚）。”