方紹聰揭秘苦等無人時刻

無線綜藝真人騷《盛 · 舞者》將於今晚首播，短短十一集的節目，由為數近百的攝製隊工作人員籌備足足三個多月，以香港電視史上罕見的拍攝手法、媲美電影級數的鏡頭呈現舞者美態。

有份參與是次拍攝的天堂鳥Gordon（葉泓聲）大讚攝製隊專業，他指為求完美，一班參賽者日排夜排：“今次拍攝真係好興奮，一班舞蹈員好齊心、好集中精神，由凌晨開始排舞及拍攝，因為攝製組想捕捉日出一刻，我哋只得好短時間去完成任務。之前我哋已排過好多次，在排舞室正式練咗兩三日。”

剛完成六日五夜“赤腳慈行”的方紹聰（奶仔）亦係是次節目參賽者，他透露拍攝當日困難重重：“通告係凌晨十二點，跟住就由三點至六點不停全員彩排咗廿次左右。最難係攝製隊，佢哋要記好多走位，攝影機又要擺到唔同設備上面。”

奶仔又指在香港文化中心等“無人時刻”好難：“所以團隊要抓緊早上六點至八點這段黃金時間不停搵位拍攝，去到最後，我哋都跳到冇乜力，但見到幕後依然咁專注，我哋就有返力量。”