靚到爆可勝此陣

今日跑黃昏馬，六場草戰在移欄四米跑道角逐，頭場四點正響鑼。綜觀大局，各場形勢緊湊，勢均力敵場合暗藏殺機，賽果爆冷唔奇。騎師何華麟、林凱續養傷，陳卓鋒、艾比復出聯同原班人馬上陣。

筆者心水推介，第三場二班千二米，王君適廄“靚到爆”可做馬膽。此駒上仗後追入位，走勢轉好。拼後小休三周再來，原配安萬堯操刀，騎者上次拈過不肯放手必有諗頭。

“靚到爆”千二米路有專長，上季兩勝同程，反映馬有實力。季初連敗多仗求減分，季中評分下調已爆過一場。近期兩戰無功，上次突如其來闖入冷位，埋門追勁夠強。拼後重整旗鼓，晨操快試火力俱佳，論馬狀態有增無減，今於二班角逐應夠實力周旋。安萬堯再接手出戰駕輕就熟，憑路合檔佳，可勝此陣。