柏駿路合強項出擊

練者李家輝上周日憑“柏檔明駿”喜添頭馬。此駒沉寂一輪無表現，前仗初跑千五米落敗，上次再戰同程突如其來爆七倍半冷，廄中上下大有斬穫。輝廄四月頭馬欠奉，五月只贏“康安之星”。上仗“柏檔門駿”連同月初贏“多臣”，六月共取兩W。現累計九W，比浩廄多一W，龍虎榜排名尾二。輝廄馬季初用得盡，季內要休整回氣。踏入季尾，戰駒普遍減夠分又可派用場。上仗“柏檔明駿”吼準形勢一擊即中，事隔半年才重溫贏馬美夢。馬季賽至七月，還有兩個月又煞科，輝廄目前成績不甚理想，練者為爭取更多頭馬，戰駒可拼則拼。練者想贏馬，但未必話贏就贏。前仗“鑽飾月光”起用高君濤操刀擺明搏殺，惜事與願違只跑第三，只嘆無奈。

本周只跑周六一次黃昏馬。第五場五六班千八米，李家輝旗下“柏駿”上仗恩利克主轡後上第三，此役未竟全功，人馬表現算夾檔。拼後匆匆再戰，今次藉“柏檔明駿”同主馬新勝氣勢出擊，原裝配搭來者不善。“柏駿”上季初勝後一直減分，由最高四十二減至目前二十七分。今於五六班混戰計馬有着數，已具反彈條件。

此駒後勁可靠，今仗千八米是強項出擊。遇上同組對手不多，加上負磅適中，形勢有利。恩利克拈過再取回策騎權，對“柏駿”是情有獨鍾，憑人馬夾檔，可勝此陣。