加義戰青鋒決前四

【本報消息】本地甲組足球聯賽，今晚七時氹仔運動場上演前四大戰，季席的加義大戰青鋒，加義整體表現平穩，今戰再鬥青鋒，有力睇好至少保不敗。

加義今季表現平穩，現時四分領先青鋒穩守第三，今戰兩軍互撼“六分波”，隨時確定今季前四最終排名。加義前線火力不及青鋒，陳大維、李漢浩等領軍進攻，加義整體火力不算強，不過中後場有龔政豪、黃華麟、劉柏堅及門將蘇嘉駿把關，整體表現穩健。青鋒前線有高美斯、甘維拿、奧馬掛帥，鋒力比加義好，只是今季表現未夠穩定，加義在首循環一戰藉穩定表現先贏一仗，青鋒次循環想復仇贏波不容易。

蒙卡迎擊恆勢

尾場有蒙地卡羅鬥恆勢，兩軍實力接近，恆勢上戰擊退葡人之家，搶得護級重要三分，士氣大振。蒙卡整體近況麻麻，不過前線兩名年輕球員李政霖、李卓燃進攻表現不差，或有力繼首循環再度爭勝。

葡家斬士砵亭

甲足昨晚獨腳戲，尾二的葡人之家硬撼士砵亭，葡人之家有隊長夏洛特復出，連番化解士砵亭攻勢，毛健飛在卅四分鐘射入靚波，葡人之家半場領先一球。士砵亭換邊後由安祖門前補中扳平一比一，惜之後禁區內起腳中楣底彈出埋下失分伏線。補時階段，毛健飛窩利勁射梅開二度，葡人之家二比一絕殺士砵亭，踢多一場以兩分優勢暫壓過蒙地卡羅升上尾三。