薛家燕畀孝順孫“斟茶”

薛家燕主持的電台節目《開心大派對》邀得新手爸爸林溥來擔任嘉賓，家燕姐亦於約一個月前抱孫榮升嫲嫲，兩人碰頭雞啄唔斷，大談湊BB經。家燕姐自言每次出外工作都不捨得孫仔，出門前會到住在隔壁的兒子家“撳鐘仔”，望一望孫仔先安心，回家就一定沖完涼先過去抱孫。

林溥來羨慕家燕姐住在兒子隔離，感受到她兒子和新抱多幸福，笑言這是有財力先可以實現。家燕姐不諱言要努力才能達成，但為確保自己和兒媳一家的私隱，無意把兩間屋打通。林溥來對湊B已經熟手，他說之前同埋狗仔一家四口出街，試過在外面幫囝囝換片，一分鐘都換得到，亦“飲”過囝囝好多次“茶”。家燕姐笑哈哈說：“孫仔都有試過‘斟茶’畀我，我即刻退後。”林溥來笑稱：“同你敬茶，證明是孝順孫。”