四哥越老越生猛

同時出現娛圈“孖寶老來嬌”：八十九歲胡楓紅館開騷；謝賢到戲院登台謝票，八十四歲仍然擔正男主角，風流倜儻，談笑風生：“與新生代演員合作，我仲後生過佢哋！我做啲嘢，佢哋唔敢做，有時講笑的失禮說話，佢哋唔敢講。所以我眞係好惜佢哋。”

六十六年演戲經驗、家中“影帝之父”的謝賢表示：“沒有教新人演戲，因為演技發自內心。”《殺出個黃昏》成為國際電影節的開幕影片，之後，幾次招待試映，都令觀眾感動。有否信心問鼎來年金像奬？“我都希望，”四哥笑說，“睇吓點樣動吓腦筋攞個奬返來。”

兩年前，四哥已捧金像奬“終身成就奬”，已是最高榮譽。相信，四哥耿耿於懷的仍是“影帝”金像奬，才能一償“生平之‘恨’”，好向霆鋒“塵一塵”。

曾記否，第三十屆金像奬，霆鋒捧最佳男主角奬，向爸爸說“對不起”。原來，霆鋒小時候，謝賢說自己拍過幾百小時電視劇、幾百部電影；霆鋒十八歲拿新人奬時，不知天高地厚，將奬座放在家中餐枱上，問：“爸爸攞過金像奬未？”

當年霆鋒在台上“補鑊”說：“請原諒我呢個無禮貌小朋友。要湊大一個咁難教嘅細路，每日笑面迎人，你至係最佳男主角。”

戲迷也許有美麗幻想，明年金像奬，由謝賢捧影帝、霆鋒頒奬，有沒有可能？人無理想，與鹹魚何異！八十幾歲的戲骨，仍疑似年輕人般拼搏，因心中團火仍熾烈。

監製林家棟表示，四哥拍戲精力過人，每日工作十八小時，連續幾天毫無怨言，只要有牛腩麵、咖啡、蛋撻，便龍精虎猛了。《殺》片被譽為四哥大突破的平生之作，起碼有三個第一次：脫黑超拍戲、穿拖鞋上鏡、拍戲六十六年的巨星第一次親到戲院謝票。

高 梁