為配音學會用丹田氣

陳欣妍成鬧交好手

藝人陳欣妍、謝利、李莉聯同香港運動員黃浩輝、莫宛螢等出席植樹活動，眾人無懼暑熱，各自背上數公斤的植樹工具，徒步前往鹿巢山種樹。

藝人陳欣妍(Shirley)、謝利(Jerry C)、ViuTv“廣告女王”李莉(Lily)，以及香港馬拉松運動員黃浩輝、香港女子武術運動員莫宛螢、Kolon Sport總經理廖寶賢等，前日出席“山野大奇蹟日之植樹在礦山”活動，眾人各自背上數公斤的植樹工具，徒步前往鹿巢山種樹。

陳欣妍雖然外表弱質纖纖，當日卻一馬當先走到隊頭，盡顯活力。她笑說：“因為疫情關係，成年都冇得周圍去，所以我不時約朋友一齊行山。（有冇約沈震軒一齊？）反而唔會約男友，我估呢方面應該叻過佢。”

當日天氣相對比較熱，走咗一段後，眾人顯得有少少吃力，期間只見Shirley大汗疊細汗。但她說：“今日我哋植樹呢件事實在太有意義喇，所以辛苦少少都唔緊要。”她更小心翼翼地安放樹苗：“我當呢棵樹係自己個囝囝啦！因為佢二十年之後，就會同我差唔多高。我頭先幫佢改咗個名叫九五二七，廿年後帶埋下一代來欣賞我的傑作，只要諗長遠啲，就唔會介意當刻的辛苦，因為植樹係畀我哋下一代享受。”

Shirley透露早前完成電影宣傳工作，現正為卡通片配音，更學會用丹田氣嗌交：“收到劇本之後梗係要練習，但係角色要我扮小朋友的聲線，仲要不時有撒嬌語氣！原來配音真係好辛苦，依家學識用丹田氣去鬧人，所以冇咩嘢真係咪撩我鬧交。”

同場的謝利因疫情關係，沒法出國拍片做KOL，笑言轉營專心做生意：“冇得飛都冇辦法啦，疫情係全世界都關事，家人都叫我睇定啲才好接出埠工作。唯有留在香港專心做生意囉，等佢哋可以安心。冇得拍片可能收入少咗，但係多咗時間留在香港出席活動，收入好似同之前差唔多，可能轉型做KOL教人做生意都有得撈！”