一周雙賽體能大考驗

闊別一年的本地足總盃賽事，將於下月正式展開，屆時球迷又有機會欣賞連場精彩賽事。

去年因應疫情關係，本地各組足球賽事計劃全數被打亂，足總盃、七人小球聯賽等悉數被取消，更不要說室內五人足球，女子聯賽等賽事，聯賽亦只能退而求其次縮水改以澳門盃方式進行。以往球迷可以由年頭睇到年尾，去年明顯可說冇晒節目。

今年澳門足總盃再度復辦，根據賽程為七月至八月，意味足總盃將與聯賽雙向進行。有球員透露，原定今年計劃中，並未有接到通知會舉行足總盃賽事，猜想足總或在近日根據疫情發展才決定復辦賽事；亦反映部分球隊組軍方向，或原只集中應付聯賽。

對強隊而言，多一個賽事，意味多一個盃仔可以爭，何況足總盃乃重要錦標。周中多一場比賽，加上在蓮峰球場踢，球迷有機會多幾場波睇亦是好事。不過有球壇中人指，部分強隊或有足夠人腳應付，不過澳門球員絕大部分都只是業餘，平日要工作再晚上踢波。兩項重要賽事同期進行，對球隊排陣及球員體力更為講究，一周雙賽無疑是對體能一大考驗。

賈大廚