黃德斌巴士勇救呂爵安

黃德斌、呂爵安(Edan)、盧瀚霆(Anson Lo)及徐氵思喬(Asha)現正密鑼緊鼓進行劇集《大叔的愛》的拍攝，日前拍攝的一場戲份，是講Edan在巴士上被誤會非禮女乘客，黃德斌“英雄救美”，為Edan解圍後，更把他擁入懷中。

德斌笑言戲情好似“巴士奇遇結良緣”，仲讚自己貼地，不時坐公共交通工具：“因為太方便，唔使周圍搵車位嘛！我平時坐車都收埋自己，唔會招惹咩誤會，即使見人鬧交都未必出聲，除非去到郁手郁腳啦。如果唔係，唔會介入。”

Edan就自嘲貧窮，所以是巴士常客，他笑言在車上不時與Anson Lo傳短訊傾劇本：“我哋之前真係好驚，因為呢部劇買晒版權，要在原著與自己風格中搵平衡。可能我哋未夠專業啦，平時會攬頭攬頸咁玩，所以唔會太尷尬！最近係Anson自己加戲，或者拍錫錫戲個陣加嘢，咁就嚇親我囉！”

Anson Lo話要投入與Edan的感情，不時向對方獻媚：“冇辦法啦，識咁耐都唔會黐咁埋傾偈，所以要做到細心啲，希望可以搵到個份感覺。”同場的混血兒Asha就話被人嫌棄鬼妹仔口音：“導演有日好尷尬咁話我有鬼妹仔口音，我話我真係鬼妹仔口架 ！所以依家學緊咬字，要做個地道香港人先得！”