蘇志威被囡囡讚慈父
蘇志威偕同老婆劉小慧、細女蘇靖珺 (Ina)為馬梓軒主持的香港開電視節目拍攝父親節特輯。雖然蘇志威與家人每年父親節都只是簡單地慶祝，但他亦很難忘細女Ina數年前送贈的一份父親節禮物。
蘇志威表示：“Ina未夠十歲時，親手製作咗一個捕夢網畀我，只要將佢掛喺床頭，瞓覺嘅時候就會舒服一啲，所以直到而家，個捕夢網都一直掛喺度，係我好鍾意嘅一份禮物！”
問他今日會怎樣慶祝父親節，蘇志威表示：“其實我哋一家人好少慶祝節日，我覺得只要每日都開開心心咁過，就已經可以了！”
Ina被問到對父親蘇志威的感覺時，她表示：“Daddy比較和善……”身旁的劉小慧聽到後即笑說：“你話Daddy比較和善，咁係咪即係比起我嚟講呢？”Ina被媽咪這樣一說，當堂無言以對，知道在媽咪面前失言了，場面十分搞笑。
