蘇皓兒冇得去影展失望

由導演劉翁執導的電影《糖街製片廠》獲意大利烏甸尼電影節官方選中入圍，將於多個歐洲、北美及亞洲城市巡迴上映，讓海外觀眾認識港產片的嶄新面貌。劉翁表示：“今次新片由荷里活級數的特技化妝師操刀，質素一定唔會失禮。如果有機會，我都想飛過去同各地電影人交流，奈何疫情未受控。所以未來要更畀心機拍多啲好戲，再去參展、感受歐洲影壇盛事。”

劉翁透露該片放映時將配上意大利語字幕，香港國際電影節協會已協助拍攝了宣傳短片，以視像方式跟當地觀眾見面。他說：“其實恐怖懸疑片最冇區域、文化界限，反而着重氣氛、效果、化妝造型等等。”

女主角之一的蘇皓兒對於片被選中參與國際影展感到驚喜，但對無法赴意大利行紅地毯感到相當失望：“作為一個演員，可以行國際影展紅地毯的機會唔多。今年因為疫情冇得去，真係好唔開心！不過知道自己的作品可以代表香港，都係覺得好威水。希望到在香港上映時都有好成績，對自己同公司都有交代。”

另一位女主角楊柳青在戲中爛面上陣，她笑言：“我的特技化妝認真程度，連我自己都唔認得自己，我懷疑觀眾睇晒成部戲都未必知道邊個係楊柳青。不過有機會代表香港電影去參與國際級影展，呢個係演員光榮，令我知道付出有回報。以前香港好多電影在外地影展得獎，依家輪到我哋呢一輩，更加要付出十倍努力，再令香港影片揚威海外。”