江河麗影機會來臨

今季練馬師爭冠形勢趨白熱化，錢健明甩開馮耀正九W，後者要反先唔易，但能否保住亞軍亦未知。事關兆廄近期步步進迫，現只落後馮廄一W，形成今屆亞軍爭奪戰更緊湊。

兆廄馬季初回氣，季尾馬匹作戰水準逐漸提升，尤其一批質新分子生氣勃勃，今季可替馬房爭功。賽至埋尾兆廄冀爭得“二哥”地位。今仗強陣出擊，旗下“江河”系精品搏殺，值得吼緊。

第一場：二至四歲千二米。“江河飛騰”季內跑同程已取兩亞一季，但始終未能贏馬。踏入季尾，馬匹表現漸入佳境。此駒上次沙地無功，只因途程不合，敗不為奇。拼後回師千二米已具出擊意。“江河飛騰”質新勇進，前竄力夠強，倘出閘跟順，憑輕磅之助可勝此局。

第二場：五六班千五米。“江河麗影”上仗同程後追入位，演出見有生氣。今次原程續戰，幕後擺明車馬要搏。此駒質新進步，季內愈跑愈好，馬匹跟得鬥得，直路衝刺煞食。今仗改配張志立操刀，此子騎過幾次亦知馬性，欣逢路合檔宜，開齋機會來臨。

第六場：三班一三五○米。“江河神獸”連仗由高君濤主轡贏來輕鬆，人馬夾檔。此駒沙地好腳法，走勢有前有後，陣上表現水準穩定。拼後積極操磨，埋門試閘加強砥礪，幕後有意替此駒爭取三連冠。今番人馬重逢，有力一網成擒。