昨日總投注逾三百廿六萬

張志立再中兩元

昨天草地賽完结。是仗出馬不多，戲碼平淡。六場賽事在變化地上角逐，人馬大致平安無事。全日總投注額三百二十六萬二千元。

頭場九駒列陣，爆冷揭開戰幔。史偉恩廄“力奇神箭”由中野省吾押陣，以強勁衝刺後上挫敵，爆十二倍冷W。此駒早前轉投恩廄後重新部署，今次操好出戰一擊即中，贏來生氣重現。馬匹除沙地適應，草地跑來亦生猛。轉倉馬練者有交代，騎者應記一功。中野省吾、史偉恩先拔頭籌。

第二場張志立再勝賀廄“正義聯盟”。此雙人馬上次贏完同程再來，今於三四班混合賽，比上次加負三磅仍受人追捧，獨贏熱至得兩倍。出閘跟住四五位，入直路展開強勁衝刺將對手擒下，人馬取得連捷。“正義聯盟”淋地特佳，千五米亦拿手好戲，今季已取三勝兩位。馬匹評分調高後不易再贏，下次捧場要小心。

第三場余健雄贏馬。此子守齋多期無進帳，今場騎譚廄“電鍍合金”，以較佳留放後上挫敵。此駒上次沙地敗後換人再戰，今仗用余健雄跑草地表現又不同，贏來判若兩駒。譚文就喜添一W，騎練合作愉快。

第四場張志立贏劉志森廄“聖靈大亨”起孖。此雙人馬上次落重飛搏殺，無奈埋門影相飲恨第二。敗後重整旗鼓再戰，今次原配添程跑千五米。出閘守住第四位。全程小心翼翼，入直路展開強勁衝刺，埋門挫敗前領馬“常山虎”，替馬匹補中。“聖靈大亨”跑完獨贏有三倍，大熱門算好分。劉志森增添一W，張志立中兩元。

第五場田中正一贏李森廄“濠江寶”。此雙人馬近期連下三城氣勢如虹。今次原裝配搭再來，雖遇上變化場地，但“濠江寶”無受影響。出閘採留前鬥後戰術，入直路才全力衝刺，埋門以頸位撼低對手，贏來“魚生粥僅僅熟”。田中正一騎此駒直落四連冠，人馬表現無懈可擊。

尾場兩駒閘前退出，“冠中冠”、“合夥輝煌” 齊掛免戰牌，最後只得六駒角逐，買少見少。結果恩利克騎貴廄“興圓”，以較佳留放後上取勝。此駒取得季內第三W，騎練攜手食尾餬埋齋。