黃翠如祝福長文迴響大

藝人洪永城(Tony)前日宣佈即將迎娶拍拖多年的女友梁諾妍的喜訊，身為好友的黃翠如，第一時間在社交網發出一篇深情祝福長文，恭喜好友洪永城。

翠如在長文中逐一列出洪永城的缺點：“又污糟又煩又大男人，脾氣又差，又冇交帶，好多諗法但好少實行；話減肥但個腩永遠喺度、每本書睇頭三頁就當睇咗……但係你唔要佢，冇人要佢了。記住，如果洪大笨蝦你，我一定幫你搞掂佢。祝福兩位我愛的人。”

洪永城與黃翠如過檔無線之前，同是有線電視藝人，兩人一起拍檔主持過不少旅遊節目，在觀眾眼中曾是十分登對的熒幕情侶形象，兩人私交亦不錯，但最終無緣結成夫婦。

翠如的祝福長文貼出後，引起網友極大迴響，短短幾小時已經有過千個留言。好多人話睇完翠如的祝福文，覺得好似寫畀前度一樣；更有網友留言：“真係唔好咁，正印睇到你段矯情文，真係情何以堪呀！”亦有網友力撐翠如：“其實佢哋的友情有幾深，旁觀者會比當事人清楚？朋友之間的相處態度要被非朋友的人去干涉嗎？”

翠如稍後亦親自回覆網友：“在這個做甚麼也有人鬧的世代，冇咩所謂。我和Tony和Inez和Edwin的友誼，其實沒有你們想的Juicy，祝大家簡單快樂吧。”