聖靈大亨力挫強敵

澳馬今午六場草戰，形勢兵兇戰危，睇環境又係爆冷格局。時至季尾，一些季內未贏之駒，練者極欲謀交代。今仗不乏此類馬列陣，宜留意捧場。

劉志森廄近期頻添進帳，繼“鳳煌之星”爆完後，上賽又爆“幸運孖寶”四十倍大冷，廄中上下皆大歡喜。馬房今季暫取十六W排名第六，成績躍進。劉志森部署出擊向有把握，戰駒搏殺飛到馬到，刻下氣勢正盛。今仗強陣出擊有力贏馬，捧場客可向此廄打主意。

第二場：三四班千五米。“澳門好”上仗千二米無功而回，此途程擺明嫌短，敗不為奇。拼後重新打磨再來，回師千五米開齋路程不同估計。今次三四班混合賽，形勢有利。強配高君濤戰鬥力更佳，遇同場對手平平無奇，可坐位望贏。

第四場：一二班千五米。“聖靈大亨”上仗千二米起飛搏殺，惜埋門影相輸個嘴，大熱門飲恨第二，敗得不甘。拼後原配張志立再來，今次增程跑千五尤合發揮。此駒後勁凌厲，欣逢路合兼磅輕，冀憑直路衝刺可挫強敵，收復上仗失地。

第五場：三四班千五米。“北方傳說”班底不弱，後勁可取。此駒季初贏後已連敗多場，馬匹評分稍減，現居此組作賽應不吃虧。上仗千二米路短無功，此番增程有利，用上高君濤主轡配搭堅強，恃磅輕隨時可亂大局。