產後餵人奶未收身

岑麗香着腰封健康最緊要

昨日，岑麗香（香香）、陳自瑤(YoYo)、吳業坤、商天娥、龔慈恩、吳岱融及張頴康等，到將軍澳電視城出席劇集《寶寶大過天》“快樂小粽子”宣傳活動。未有出席的馬國明及李國麟分別以電話及短片分享感受，正身在內地工作而缺席的馬明在電話中笑說：“因要搵奶粉錢，公司已召喚我返來宣傳。”

四月底剛誕下二仔的香香，產後首度公開露面，以低胸緊身吊帶裙現身，幾乎與產前一樣。她說細仔已滿月，當日未有即時公佈細仔出世，因要時間冷靜一下。是否已完全收身？她說：“仍未完全，要着腰封，成個衣櫃只得一條牛仔褲啱着，健康最緊要，我唔急於收身。”

香香透露現時餵母乳及奶粉，二仔食量算正常，日日都斷斷續續瞓三四個鐘。她大讚老公強強很幫得手，BB有少少喊聲即走去開奶，她亦很感恩有陪月幫手，因產後有足夠休息很重要。她亦從陪月身上學到很多湊B秘訣。香香稱大仔知道自己做咗哥哥，有次見他拿玩具給弟弟，眞係好感動。

劇集在她產後推出，香香坦言意外，本身想休息長少少時間，但都開心，今次是她首次演媽媽角色，代表她生活有大改變，自己都期待。她跟劇中飾演她女兒的演員合作得很開心，大讚對方拍攝時只有兩三歲，但已好叻。

陳自瑤劇中跟張頴康演夫婦，二人育有兩名兒子，她是全職媽媽，角色有很大挑戰：“今次媽媽角色有好多內心戲同情緒崩潰喊戲，因為自小我喺一個唔健全嘅家庭成長，心靈受創傷，導致長大後教仔時出現好多問題，加上婆媳糾紛，令到情緒崩潰。”

YoYo謂幸好有飾演老公的張頴康拍攝期間經常支持她：“佢同我講我啲戲好有發揮，叫我加油，仲話會Backup我，眞係好開心可以同佢合作。”