如意快駒贏馬交代

今晚五場沙地賽事，賽前來料推介二場“銀城雄星”及五場“如意快駒”一對實力馬，啱心水不妨捧場。

“銀城雄星”沙地兩出兩勝，今晚操足再來所遇對手非強，跑法主動可望爭取三連勝，值得追捧。“忘不了”近仗落敗收減分之效，今戰重配高君濤唔係講玩，祇要起步順利，留前鬥後可望與前駒一Q返來，不妨留意。

“如意快駒”沙地性能甚佳，今晚再交由高君濤打硬仗，鬥志唔使懷疑。對手實力唔算強，可望贏馬交代。“森林木”復課重新調教，狀態出色。今戰重返沙地角逐性能合適，余健雄熟手操刀，單Q一於揀佢。