銀城雄星力勝此陣

今晚五場沙戰，形勢危機四伏，馬少場合慎防大熱倒灶。賽至季末，前領錢健明連次無進帳，馬房似“立油”，但以九W帶頭。今晚五駒列陣，且看表現如何。現排名次席的馮耀正亦五駒出戰，論實力不弱，有力增添頭馬。

馮廄上仗憑“滿貫福星”喜添進帳，旗下戰駒經一輪休整後，近期又見回起。季尾馮廄續展攻勢，馬房兵分多路搏殺乘勝追擊，務求再添進帳，臨場不妨吼緊。

第一場：五六班一五一○米。“金威得寶”草地起家，沙地亦佳，後勁夠強。馬匹季內多仗無功而回，連敗已減分。今次沙地作戰對手減弱，不同估計。此駒由任布利操刀配搭不弱，憑此子駕輕就熟可亂大局，臨場若有賠率，值得一試。

第二場：四班一五一○米。“銀城雄星”沙地醒神，迄有兩冠在手，可算路有專長。此駒上仗閘前退出，小休復課操練已無不妥。馬匹前後兼具，同張志立夠夾檔。今仗人馬配搭完整，論形勢比人強。遇同組對手不多，有力取勝此陣。

第四場：三四班一三五○米。“滿貫藍寶”上仗短途入位，走勢轉好不少。馬匹沙地特佳，經季中回氣後近期表現復甦，季尾又可派用場。此駒拼後打磨甚力，今次增程至一三五○米，首次跑同程博你唔信，用田中正一操刀隨時爆畀你睇。