紅日金駒再下一城

澳馬戰火重燃，今晚上演五場沙地賽，頭場七點○五分開跑。騎師林凱、何華麟養傷，陳卓鋒停賽，此外續由原班人馬上陣。綜觀大局，部分場合七駒角逐，潛伏暗湧甚大，提防賽果熱倒冷爆。

筆者心水推介，第三場二班一五一○米，謝偉豪廄“紅日金駒”可做馬膽。此駒上仗一三五○米劉永康贏來易如反掌，拼後小休重來，今次原配增程再戰，憑人馬夾檔，可謀添食。

“紅日金駒”由豪廄接手後六戰取四冠兩亞，表現好到無得頂。此駒跟得鬥得，沙地演出準繩。馬匹質素尚新，實力還未見底，走勢日益進步。拼後重新打磨再來，今次續由老搭檔劉永康操刀，人馬合拍。今於二班場合作戰，比上次少負三磅，論形勢絕不吃虧。憑騎者駕輕就熟，可再下一城。