太極變老宣傳紅館騷

太極樂隊將於八月七至八日在紅館舉行“太極RAINBOW AFTER RAIN演唱會”，日前五位成員齊集為個唱開會，討論新一輯宣傳廣告的細節。這輯廣告以動畫形式進行，眾人的容貌四秒後慢慢變老三十六年，屆時將成為真正的九○後（即九十歲後），而片中更預留了空置的電子琴，向已故的成員Gary Tong致敬！

主音雷有輝大爆隊友Ricky出蠱惑，要求設計師幫手出術：“我哋每人都變晒九十歲嘅樣，淨係佢一個人揀張咁後生嘅相，睇落同依家都冇咩分別。”Joey Tang就話畀自己個樣嚇親，笑言會“趕客”。Hi-Fi德就叫太極粉絲真係要去撲飛，因為他們都未知何時才會再搞下一次個唱，可能要到三十年後先再有機會。