陳卓賢被粉絲點中死穴

出道兩年半的人氣男團MIRROR，近期參與ViuTV新節目《調教你MIRROR》，並接受梁祖堯的“調教”，務求令十二位成員進化成更團結的“Better MIRROR”。

今晚播出的最新一集將圍繞MIRROR其中一位成員陳卓賢(Ian)，剛好今日亦是Ian廿八歲生日，花姐希望今趟旅程，阿祖可以幫Ian打開自己。她自爆經常跟Ian嘈交，直言Ian有幾個地方令她感到擔心：“佢令人覺得同佢有好大距離，呢個距離連我同佢都有！遇到問題或者唔開心都唔會講，咁樣容易令人有誤會。”

Ian就認為MIRROR並不如初成軍時般齊心：“力量比起成軍第一個演唱會薄弱咗，全因大家需要兼顧各自的工作，令眾人步伐不一致。”

阿祖亦覺得Ian非常保護自己，有點難搞。於是安排了Ian和Jer到麵包店跟老闆娘阿Kit學整麵包。但原來老闆娘是Ian的忠實粉絲，過程中，她一句話點中Ian死穴，令他心情有點複雜。