搵顧定軒任MV男主角

葉巧琳演繹森林女皇

葉巧琳最新派台歌剛完成MV的拍攝，MV團隊陣容鼎盛，包括《七月與安生》的金像獎最佳原創音樂的波多野裕介及Edward Chan聯手監製、新生代Oscar負責填詞、《全民造星3》影壇新貴顧定軒擔任男主角。

在音樂路上力求突破的葉巧琳(Mischa)，推出最新作品《怪物 (心獸version)》，Mischa說：“我看過韓國大熱漫畫《Sweet Home》，談及每個人慾念好強時可以變成怪物，不過怪物可以係好、可以係壞，我想以呢首歌探討呢個問題。”多年好友波多野裕介在音樂上一路以來全力支持Mischa，今次更與她一同作曲， Mischa更首度挑戰Nu-Disco跳唱曲風。

因為Mischa的這個創作意念，MV導演湯駿業為她度身訂造了一個充滿靈性的MV：“Mischa在MV裡面係森林女皇，森林女皇代表慾望，當佢見到由顧定軒扮演、代表希望與聖潔的純鹿時，邪惡內心就諗到要將佢據為己有。作為純鹿的顧定軒亦都有慾望，就係想收服女皇。MV就係希望展現人與人之間的慾望。”由於扮演一位森林女皇，Mischa今次的造型有別以往，她笑言：“係我過去咁多個MV裡面最浮誇的一次，場景又有女皇椅，整個佈置好靚。”

至於顧定軒(Zeno)則以一身全白裝束示人，Mischa見到後亦笑言覺得Zeno活像宮崎駿動畫裡的王子。問到今次為何找他合作，Mischa表示：“我好想收藏佢在我的MV裡面！”Zeno則搞笑道：“我哋係在《全民造星3》裡面的布偶表演中相遇，但今次我成為Mischa的玩偶，成為佢掌心的玩具。”

拍攝當日天氣炎熱，兩人熱得汗流浹背，不過Mischa與工作人員早有準備，她如數家珍地說：“我帶咗五把風扇、抹汗專用濕紙巾、蚊怕水，化妝師又幫我買咗一堆一啪變冰的凍包，超熱時可救命。”因為MV在野外拍攝，入黑之後更是愈來愈多昆蟲出動，Zeno對Mischa說：“因為你係大地之母，所以召喚好多蛇蟲鼠蟻陪伴我哋啦！入黑時好多昆蟲同我哋一齊共舞開Party，特別係好多飛蛾在面前飛來飛去，但我哋又要好鎮定咁繼續跳舞！”因為實在太多昆蟲來襲，Zeno最終免不了被蚊針到兩邊太陽穴附近，他笑言：“好在兩邊對稱！大家如果MV中見到，可能會以為係化妝呢。”