向影迷提早拜年

吳君如再拍賀歲片

期待已久、笑到捧腹的吳君如賀歲片將於新春回歸。由鄭中基、梁詠琪、呂爵安主演、新晉導演鄭晉軒執導的賀歲片《闔家辣》昨日舉行發佈會，向影迷提早拜年。

昨日舉行的發佈會上充滿過年氣氛，身為監製兼主演的吳君如身穿一身彩花賀年打扮，率領戲中的“一家人”包括鄭中基、梁詠琪(GiGi)、呂爵安(Edan)，以及導演鄭晉軒（Coba）、執行監製鄒凱光等，穿上紅噹噹全身拜年裝束，在擔任司儀的“旁白君”阿森主持下，舉行開鏡儀式。

吳君如與一眾演員切過燒豬後，搲銀並大派利市，做足全套拜年儀式。雖然相隔明年新年尚有半年有多，但開鏡現場已洋溢一片過年氣氛，君如透露新片會即時啟動開拍；“期待今個農曆新年為觀眾帶來歡樂，一家大細闔家辣喜迎新春。”

吳君如、鄭中基及梁詠琪曾主演過不少家傳戶曉的賀歲片，今次也是他們事隔多年來再次合作，三人表示很開心，因為又有機會釋放他們的喜劇細胞。談及演員陣容，君如表示一直屬意搵GiGi參與演出：“因為想搵一個又靚又識演戲又可搞笑的女演員。當見到GiGi真人時，更覺得佢係天然美，現在好多女演員隔兩日就唔同咗樣。”

君如指促成這部戲開拍，全因有次她出席私人會所會員大會的見聞：“在芸芸外國人當中，突然有位說廣東話的男士主動攀談，告訴我以前一直有聽我的電台節目。隨即對方就一輪嘴講了一小時自己疫情期間在家中發生的事。”君如說：“平時我應該會瞓着，但他越講越好笑，心諗咁不如拍出來啦！我即場問佢，識唔識寫劇本？佢話梗係識啦！結果寫出來一看，好多中文都錯，原來佢用Siri（手機語音）幫佢寫！之後我就找了鄒凱光幫手搞劇本。”這位仁兄原來就是今次這電影的導演Coba。

早前剛完成演唱會的鄭中基，笑言正處於演唱會後的寂寞狀態。他透露演唱會後睡足一日，隔日才回覆君如。君如笑說：“我叫佢哋睇劇本，GiGi一日後便答應了，我就跟他說唔使睇，命令他接拍呢部戲。”

至於Edan，君如說：“聽說佢好搞笑，但最初都未確定由佢演出。因為佢嘅角色要搞笑之餘，同我更有好多親密感情戲。”但經理人花姐向君如說：“唔用佢冇所謂，我好鍾意帶佢試鏡，咁先係學習過程。”君如大讚花姐態度正確：“看過Edan試鏡片段，都覺得非他莫屬。”