王灝兒與胡鴻鈞開咪獲力讚

王灝兒(JW)與胡鴻鈞(Hubert)前日一齊在網上開咪，獲網民力讚，更有網民留言指兩人是被TVB 耽誤的歌手：“《超級巨聲》其實個個都好唱得，只是TVB冇安排足夠資源讓他們發揮。”

JW說加入TVB最想是嘗試拍劇：“以前拍MV，我連女主角都冇份做，只係旁邊咪嘴。拍劇就未試過，真係好想挑戰吓。”Hubert講笑說：“冇妳做女主角啲歌先Hit 喎，哈哈！”JW表示轉投TVB後與Hubert成為同事，她大讚Hubert對人好好：“其實未入TVB已經相識，現在更加熟落，佢不時分享大小事情，幫咗我不少忙。”

Hubert最近推出新歌，當中歌詞以“刀削麵”自嘲，他解釋說自己臉形被取笑多年，其實心裡已經放下，反而覺得這些親身經歷，令他成長不少。他說：“所以想到用自己的經歷變成歌，用作鼓勵時下年輕人不要害怕，反而要勇敢自信活得自在。”

JW覺得Hubert能看得開係非常之勁，她也一樣曾受網上欺凌，網民留言仍會細看，不過就已學會看化：“由得佢哋講囉！譬如有人攻擊你，講一些不負責任說話、鬧你，千祈唔好嚴肅對待。最近有一些別人的歌迷似乎唔鍾意我，日日留言給我，又話我學人長頭髮、同BB影相都可以留言問我做咩對住BB發姣，但係我唔會放喺心上囉。”