蔡一智逼問胡楓失身夜

蔡一傑的YouTube頻道《傑少煮意》，新一集邀來八十九歲高齡再度踩入紅館開演唱會的“修哥”胡楓。蔡一傑與修哥亦師亦友，他安排蔡一智、蘇志威一起同修哥食餐，他說：“其實請修哥做嘉賓有兩個原因，一個係年頭修哥生日，因疫情冇機會同佢慶祝，第二個原因係知道修哥再喺紅館開演唱會，所以決定Call埋兩個兄弟，同修哥慶祝吓，我今日準備嘅餸比較簡單，唔想修哥開騷前食得太Heavy，所以我會煮一個炒粉絲蝦同埋番茄薯仔湯，另外我親自包咗鹹肉糭畀修哥食。”

拍攝期間，蔡一智、蘇志威準備了一堆尖銳問題考驗修哥，其中一題要他講出“何時失身”，時間地點人物都要交代清楚，原本專心下廚的傑仔，亦馬上停手走到修哥身邊八卦。但修哥不肯自爆初夜經過，但相當畀面，大讚傑仔在他心目中廚藝最佳，還在節目中開金口獻唱《一雙舊皮鞋》。