被蕭正楠眼神整蠱

湯洛雯自嘲男扮女裝

蕭正楠、湯洛雯、簡淑兒、利穎怡、杜燕歌等昨日為熱播劇集《一笑渡凡間》宣傳造勢，劇中一眾演員分組玩遊戲，現場氣氛熱鬧。

“靚湯”湯洛雯在劇中飾演一個“男仔頭”女捕快，她自嘲拍唯一的一場女裝戲時，竟被取笑是“男扮女裝”。阿蕭笑謂：“我見到佢女裝出現，又要做出驚為天人的感覺，我便用馬國明望住佢的眼神去演。”靚湯即時撒嬌說：“你做咩成日提住佢呀，呢套劇佢都冇份演。”說到馬明出外公幹時，不忘帶同跟靚湯的訂情物“馬公仔”同行，今次也不例外。靚湯笑說：“可能已經被搞到五馬分屍了，公仔明明是我的，但被佢據為己有。（幾時將你都據為己有？）唔知呀，你問佢啦。”

阿蕭應承日後馬國明有劇播出時，他會幫手宣傳；湊巧馬明主演的劇集《寶寶大過天》快將播出，更與《一笑渡凡間》疊期。靚湯就指男友正在內地工作，還需逗留多一個月才能返香港，所以《寶寶大過天》頭兩次的宣傳應該出席唔到。但當問到靚湯對阿蕭扮馬明的神似度時，她笑說“各有千秋”。

阿蕭在該劇首播時，所演角色長滿紫色毒瘡，雖然只是播出短短一分鐘，他卻透露要拍足幾日：“這個妝會不時在夢境出現，每次都要花上三小時去化妝，有時太攰、好眼瞓，便要同事幫手托住我個頭。我都試過打橫瞓住畀人化妝，因為實在太攰，真係冇辦法！”靚湯就取笑他似“先人”化妝，阿蕭即說：“都係試過一次咋，知道打橫瞓化妝唔係好吉利，以後唔敢再試。（要畀封利市？）你畀我咩?!”

利穎怡在劇中角色是半身不遂的，全程沒有對白，只靠眼神來演戲。她表示：“最初監製話我眼神太精靈，配合唔到當中飽受創傷的角色，我都好擔心效果。”她希望日後拍劇可以同時兼顧到《東張西望》的主持工作，爭取多些機會。