陳天翺出新歌認辛苦

新人力臻及陳天翺接受TVB娛樂新聞台節目專訪，大談踏入樂壇及推出新歌的感受。

同時兼顧創作歌手和老師身份的力臻說：“初初覺得辛苦，但搵到個共通點。因為我在台上唱歌，係想我的作品影響人；我上堂就係好似影響學生，所以當我入課室時，就好似上台表演咁！（學生係你粉絲？）咁我又唔夠膽咁講。”問到當他成為歌手後，學生有何反應？力臻說：“試過我剛行入班房，佢哋就開電腦播我的歌，都唔知好嬲定好笑，不過係幾有趣！”

陳天翺曾參與選秀節目，現在作為獨立創作歌手出道，他表示遇上不少難題：“錢係一個好現實的問題！不過，做獨立歌手最辛苦的係唔止做音樂，仲要學識宣傳、行政、派台上架要比較唔同平台價錢等等，我都有問過來人林家謙的建議。”他又補充說：“新歌可以賣出，令自己增加創作信心。之前已有創作歌曲畀許廷鏗、谷婭溦同吳若希唱，我第一首歌選擇電子曲風，而並非專長的鋼琴曲風，係希望大家估唔到及有驚喜。”