小肥被陳輝揚嚇窒

歌手小肥接受香港開電視主播馬梓軒專訪，暢談新碟中與女歌手Serrini合唱、重新演繹的許廷鏗舊歌《青春頌》。

小肥表示這構思是由監製陳輝揚提出的，認為這次與陳輝揚合作過程很愉快，同時亦令他感到很大壓力：“陳輝陽覺得我在唱歌方面仲有好大進步空間！佢唔係太鍾意我有些唱歌習慣，佢話會安排老師畀我，當時我好愕然！因為我對自己唱歌實力好有信心，依家感覺好似要放低晒以前啲嘢、重新學過一套咁，都有啲驚。”

談及小肥去年勇敢表達自己的性取向一事，他指出櫃後更感受到家人的關愛：“我覺得自己變得更開朗、真誠，好似冇秘密，咩都可以講，依家感覺冇晒束縛。其實上年報道出街之後，我都有擔心過。記得當時我Send咗一個有隱喻的訊息到我家庭群組，然後我問家姐，有冇其他人煩住你哋啊？然後家姐覆返我，話冇呀，叫我放心做自己！我覺得呢句說話好溫暖，係我的十大金句之一。”