陳凱詠教舞兼教德育

日前陳凱詠(Jace)作客TVB娛樂新聞台節目《Star Talk》，接受許文軒專訪，大談早前推出首張實體專輯《PROCESSING》感受。Jace說：“呢張唱片記載咗我出道至今嘅過程、轉變同唔同嘅面向。”唱片造型以綠色為主，她說：“我係一個後知後覺嘅人，原來自己鍾意綠色都唔知。公司開會時，佢哋好快就話我係屬於綠色。其實綠色真係好啱我，對我嚟講係一個有趣嘅顏色，第一時間會想到環保、自然。”

新歌《I Wish》屬輕快跳舞類型，Jace說：“我中學開始學跳舞，但係咪好鍾意，又唔算得上，甚至有段時間質疑自己，如果好鍾意跳舞，點解唔係日日練習？點解自己只係去到呢個Level？其實應該係唔夠鍾意！而教小朋友跳舞係因為自己好喜歡小朋友，借佢哋過橋。除咗教佢哋數拍子、拉筋、聽音樂之外，仲會教佢哋操行、尊師重道。我入咗行之後就停咗教班，有時會想幾時先有機會喺工作入面再接觸小朋友呢！”