十小精靈決心求逞

今季練者冠軍爭奪戰，形勢漸趨明朗。錢健明現以三十六W帶頭，比馮耀正多十W。今季賽事尚餘二十次，後者要反先唔易，料此兩廄季尾會有激鬥。今仗錢廄佈強陣搏殺，睇環境會有馬贏。

錢廄馬早排搏得多要回氣。踏入五月份只取一W，攻勢放緩。但戰駒經休整後再來，今仗派遣精品搏殺，冀本月最後兩仗盡量爭分，以保領先優勢。旗下戰駒兵分多路出擊，愛將張志立、田中正一齊接柯打“去馬”，臨場可吼緊。

第一場：六班一○五○米。“十小精靈”季內轉投錢廄重新部署，近期陣上走勢轉好。上次千五米快放跑入第三名，表現復見生氣。此駒沙地起家，同程乃首本路。拼後重新打磨，馬房已決心求逞，憑路合班宜，可勝一仗。

第三場：二班一○五○米。“比心機”沙草地表現皆不俗，場地適應性廣泛。此駒轉投錢廄後重新部署，近期操練功夫做到足。晨課田中正一摸實不放，可見對馬匹夠鍾情。此駒前速不弱，直路竄勁夠強，跑同程亦合腳法。今仗操足搏殺，馬房可贏馬交代。

第五場：五六班千六米。“梧桐道”上仗草地千八無功而回，但拼得第五走勢見近。今仗轉跑沙地，用田中正一操刀應不同估計。此駒季內未用盡，賽至季尾贏體力。近期勤加打磨，今仗已有備而戰。遇上同組對手平平無奇，形勢大好，可食尾餬。