林德信新歌MV搵老竇助陣

歌手林德信(Alex)日前接受香港開電視主播馬梓軒專訪，談及花了三年時間炮製新歌《愛沒有理由》的感受，Alex笑言：“好多電影都係要用三年時間製作，我就用三年製作新歌同一段五分鐘MV，哈哈！但其實可能唔止三年，大概五年前，我在健身室遇到恭碩良，佢話有聽過我的歌，覺得唔錯、幾鍾意，不如搵日試吓一齊合作？於是我帶咗呢首歌畀佢聽，然後我哋再重新編曲，繼而變成依家呢個版本。”

談及新歌MV找來林子祥客串演出，Alex解釋箇中原因：“當初導演及團隊提出搵我老竇時，我係有少少抗拒，因為擔心別人有睇法。我寫呢個故事時候，係構思要將男主角變老的，雖然化妝師話可以幫我化老妝，但拍攝時間就要長啲。之後佢哋又話不如嘗試搵演員？但又擔心搵唔到合適的人，後來都係覺得搵老竇客串最合理！”

Alex表示雖然只是找父親客串一角，但當初他也不是一口答應：“我都用咗好長時間同佢傾，哈哈！我約過佢三、四次食飯，每次同佢傾少少，話自己而家係獨立歌手，最近寫咗首歌喎，要慢慢一步一步來。慶幸每次佢都理解到成個構思，經過幾次傾談之後，我才正式問佢可唔可以參與演出MV。”