小肥與Serrini合唱《青春頌》

小肥與Serrini日前為兩人合唱的單曲《青春頌》拍攝MV，小肥透露今次製作十分大陣仗：“因為陳輝陽找來電影製作班底拍攝，到達現場後，我看到製作組的陣容時也嚇了一跳，更一度以為自己去錯地方。”

小肥時隔四年後推出新專輯，翻唱過去十年的十一首經典廣東歌及一首全新作品，其中一首翻唱歌曲便是許廷鏗的《青春頌》。小肥分享這首歌的誕生過程時說：“監製陳輝陽說想做男女合唱版的《青春頌》，問我有冇相熟的女歌手，把聲又同我夾到的，但我未諗到，陳輝陽就建議搵Serrini，我聽到梗係話好！”

Serrini予人感覺總是很多鬼主意，不過小肥對她卻有不同的看法：“合作前都有聽Serrini的歌，亦鍾意上網睇佢做訪問，因為我都鍾意聽佢講嘢。到正式合作時，才發現佢真人比較內向，可能我哋未熟到佢會將平時好有趣一面表露出來。希望大家以後再合作多啲、畀多啲有趣的一面我睇啦！”

兩人雖然未有扮演當中的角色，但小肥笑言如果有機會，都想嘗試與Serrini扮演好姊妹，並一起愛上許廷鏗，來個爭仔大作戰呢！小肥說：“要多謝《青春頌》許廷鏗本尊，亦好開心佢聽完後畀咗好多心心同加油公仔畀我。”