展鵬讚囡囡有音樂天份

陳展鵬昨日到新城接受訪問，透露新歌《零歲》是送給囡囡的：“希望帶給她幸福快樂，而且要提醒自己的初心，多些同囡囡溝通，陪她一起成長。”

陳展鵬出名愛錫太太單文柔和女兒諾瑤，近日他首支派台歌曲《零歲》便是送給囡囡的小禮物。被問不怕引來太太呷醋？展鵬謂：“太太好開心！因為囡囡是她辛苦生出來，我們做父母最想見到仔女開心健康，快高長大。其實我的音樂都是同身邊人有關，之後另一首《真愛配方》都係講身邊人，老婆一定有份。”

展鵬透露囡囡已經聽過這首歌：“好開心！佢第一次接觸耳機便是聽我呢首歌。聽到我把聲，佢就話係爸爸唱歌，我好冧，即刻影下這難忘一刻。依家囡囡已經識唱第一句，佢都有音樂天份，平時我在家練聲，阿女跟住我伊伊呀呀，都幾聰明。”

展鵬說囡囡很快便要上幼稚園，所以開始在家教她學懂規律：“最驚佢唔習慣，上學時會喊，我會唔捨得。（現在囡囡見你出門口會喊嗎?）唔會，不過她有少少脾氣，會擰轉面，叫她錫錫會唔理我。但當我話放工買士多啤梨給她，佢就會即刻話好！小朋友就是好得意和直接。”