向海嵐樂意當港姐導師

向海嵐(Anne) 昨日以代言人身份出席健康產品的活動，表示心態決定狀態，保持心境樂觀開朗是秘訣之一。

Anne分享在疫情下的喼弗心得：“去年全年在疫情影響下，我比之前更注重健康。即使每天點懶，都堅持做三十分鐘簡單運動，晚上六點後則戒食澱粉質，也有食保健產品。早前因為傾當代言人，就試食這產品一段時間，就係咁一拍即合。疫情加逆市，有工作當然好感恩。”

身為一九九八年度四料港姐冠軍的Anne，稍後將為應屆候選佳麗擔任導師一角。昨日她表示：“其實詳細要做些甚麼，我還未知道，眼見今年咁重視港姐競選當然好開心，覺得呢個構思好好。希望以過來人身份為師妹畀貼士，我應該唔算係嚴苛的導師。”

對於舊作經典劇集《無頭東宮》最近又被網民追捧，成為最想重播劇之一，Anne大表驚喜，表示估唔到網民會喜歡：“已經係廿年前作品，我睇返當時演技真係好差、有好多改進空間，不過作為集體回憶都唔錯。”