蕭正楠嘲老婆不懂浪漫

無線新劇《一笑渡凡間》昨日在將軍澳搞宣傳活動，蕭正楠、湯洛雯、蔣家旻等人亮相。黃翠如在節目《好聲好戲》中出局，但表現獲讚，蕭正楠說：“我都覺佢配得好，雖然唔及李司棋，但大細聲、對嘴都做得好。曾擔心林盛斌會唔會太搞笑，會唔會搵我好啲，但見他們排得認真，演得好好。”湯洛雯亦讚翠如非常投入，蕭正楠說也因此不敢激嬲老婆。

昨日“5 · 20”（我愛你），湯洛雯說與男友馬國明每日都視像對話，蕭正楠則保持神秘，指老婆黃翠如男仔頭，浪漫方面通常由他負責。湯洛雯說：“我同你相反，我鍾意畀人驚喜。”湯洛雯指新劇笑中有淚，加上近年公司較少古裝劇，對收視有一定期望。蕭正楠說：“有信心呢套劇成為今年最高收視的古裝劇，仲要奪得最受歡迎古裝男女主角奬！”