沈卓盈生仔母子平安

沈卓盈昨日“5 · 20”（我愛你）向大家報喜，兒子Jayden已經出世，母子平安。一索得男，她難掩喜悅說：“BB重六點二磅，為我接生的姑娘說BB的喊聲很響亮，老公有陪我入產房開刀分娩，並親手為BB剪臍帶，他好鎮定。整個過程很順利，生嘅時候真係好緊張，當聽到BB喊聲和看見他的一刻也禁不住的哭起來，老公跟我一齊見證BB出世，好感動！屋企人話BB額頭同嘴仔似爸爸，對眼同個鼻就似我，我覺得BB睡覺時好似爸爸，眼仔碌碌嘅時候就好似我。”

沈卓盈產前沒有特別上堂學湊B，跟其他媽咪一樣邊湊邊學，身邊的朋友已給她溫馨提示，初生BB頭幾個月會比較難湊，她已經有心理準備，笑言：“第一次幫BB換片嘅時候，佢已經請我同老公‘飲茶’，一日請兩次，真係又狼狽但又好好笑，雖然湊B比較辛苦，又攰又唔夠瞓，但係每一個過程都好享受同開心。”